نصنع محتوى
يقرّبنا من العائلة.
دليل التعاون ويا صنّاع المحتوى لجيل أقوى.
من الفكرة والتصوير، لحد التسليم والنتائج.
شنو نحتاج؟
- ٥ فيديوهات متنوعة بين نصائح عملية، شرح التطبيق، وتشجيع على الاشتراك.
- حچي عراقي طبيعي وأسلوب قريب من الناس.
- أمثلة واضحة، معلومات دقيقة، وخطوة واضحة للمشاهد بالنهاية.
- نوفرلك المواضيع، دخول للتطبيق، والشعار ومواد الهوية.
- تگدر تستخدم نصوصنا، أو تبدع بنصوصك ونراجعها سوا قبل التصوير.
شنو تحتاج تعرف عن جيل أقوى؟
- التطبيق يقدّم محتوى عربي عن التربية، الزواج، والأسرة.
- بيه ملخصات كتب، كتيّبات عربية أصلية، وتطبيقات عملية مرتبطة بالفصول.
- جرّب التطبيق قبل التصوير، واعرض بس المحتوى والميزات الموجودة فعلًا.
- أي توصية تكون عن قناعة، وأي تجربة شخصية تحچي عنها تكون حقيقية.
- نأكدلك سعر الاشتراك ورابطه قبل التصوير.
شلون يكون الفيديو؟
- البداية: مشكلة أو سؤال يشد انتباه الجمهور المناسب.
- الفائدة: فكرة عملية وحدة ويا مثال واضح.
- التطبيق: تربط الموضوع بمحتوى موجود داخل جيل أقوى.
- النهاية: تطلب خطوة وحدة، مثل حفظ الفيديو أو الاطلاع على الاشتراك.
- المدة تقريبًا ٣٠–٤٥ ثانية، بحچي طبيعي وبدون استعجال.
شنو تسلّمنا؟
- ٥ فيديوهات عمودية بدقة 1080 × 1920.
- نسخة بكتابة عربية على الفيديو، ونسخة نظيفة بدون كتابة أو موسيقى أو إضافات.
- إذا ممكن، بدايتين مختلفتين لكل فيديو حتى نختبرهن.
- وإذا ممكن، لقطات التصوير الأصلية للتعديلات المستقبلية.
- وضّحلنا شنو من هالتفاصيل مشمول بالسعر.
التصوير والمونتاج
- احچي للكاميرا بعراقي طبيعي.
- صوت واضح، إضاءة زينة، كاميرا ثابتة، وخلفية مرتبة.
- مونتاج بسيط وكتابة واضحة وسهلة للقراءة.
- استخدم تصوير حقيقي للتطبيق من تحچي عنه.
- مو ضروري يظهرون أطفال بالفيديو.
اتفاق التعاون
- نثبت سعر الفيديو والمجموع للـ٥ فيديوهات.
- السعر يشمل صناعة المحتوى بس، لو النشر بحسابك هم؟
- نحتاج موافقتك ننشر الفيديوهات بحساباتنا، نستخدمها بإعلانات ممولة، ونسوي منها نسخ أقصر.
- نتفق على مدة الاستخدام، مواعيد التسليم، جولة تعديل وحدة، وطريقة وموعد الدفع.
- إذا أكو تكاليف إضافية، وضّحها إلنا قبل ما نبدأ.
شلون نقيّم النتائج؟
- نراجع طبيعية الأسلوب، وضوح الصوت، دقة المعلومات، وقوة البداية.
- بعد النشر، نتابع شكد الناس تكمل الفيديو، الحفظ، المشاركات، زيارات الرابط، والاشتراكات المدفوعة.
- إذا المحتوى والنتائج زينة، نكدر نزيد الفيديوهات ونتفق على تعاون أكبر ومستمر.
نبدأ بفكرة حلوة؟
راسلنا بسعرك وتفاصيل شغلك، ونتفق على الخطوة الجاية.
راسل فريق جيل أقوى